Espainiako Itzuliaren antolakuntzak Vitoria-Gasteiz i eman dio ‘Más bici’ (Bidea gehiago) zigilua. Sari honek probaren irteera edo helmuga izan diren eta bizikletaren sustapen dinamiko eta positiboarekin konpromisoa erakutsi duten hiriei eta herriei ematen zaie.
Boja Rodríguez Ingurumen zinegotziak adierazi duenez, ‘Más bici’ zigilua «ibilbidearen beste mugarri bat da bizikletaren aldeko gure lanean». Horrek hiriaren nazioarteko proiekzioa hobetzeaz gain, udalerriaren barne-ebaluazio tresna ere bada, tokiko bizikletaren sustapenaren ikuspegi zehatza lortzeko eta hobetu beharreko arloak identifikatzeko.
Balorazioaren arabera, Vitoria-Gasteiz ek hiru bizikleta lortu ditu gobernantzan, hiru azpiegituretan, lau zerbitzu eta hezkuntzan, hiru kirolean eta bi turismoan. Zigiluaren irizpideek hirien aurrerapena ebaluatzen dute beren txirrindularitza politiken arloan.
Espainiako Itzuliaren ebaluazioak dio hiria «mugikortasun jasangarriaren erreferente bat dela, azpiegitura sendoa, gobernantza aitzindariak eta zerbitzu eta hezkuntza arloetan posizio nabarmen eta eredugarria» duela.
Gainera, Vitoria-Gasteiz en lurralde-ereduak eguneroko garraioa, eskola-hezkuntza, kologistika, kirol-oinarria eta bere Eraztun Berdearen proiekzioa arrakastaz integratzen dituela azpimarratzen du. Eredu hori hobetzeko, sare urbanoaren kalitatea optimizatu, bizikletaren erabilera kolektibo berrietara demokratizatu eta cicloturismoa erakartzeko zerbitzuak espezializatu nahi dira.
Hiriburuak beste aitorpen batzuk ere jaso ditu txirrindularitza arloan. 2025ean, Copenhagenize Index-ean sartu zen, 144 hiritatik 27. postuan sailkatuz eta munduko ranking horretan liderra den espainiar hiria bihurtuz. Aurretik, 2023an, Frantziako Tourraren ‘Ville à Veló’ saria jaso zuen, lau bizikleta lortuz.
