Gasteizko Udala eta Guinea-Conakryko kontsula, Ibrahima Sory Camara, bildu dira gaur goizean udaletxean. Topaketan, Ana López de Uralde, Garapenerako Lankidetza zinegotziak, eta Afrikako diaspora-elkarteetako hainbat ordezkari izan dira.
Elkartzean, lankidetza proiektuak bultzatzeko elkarte horien inplikazioa eta Vitoria-Gasteiz eta Guinea-Conakry arteko loturak sendotzeko duten ekarpena azpimarratu dira.
2022 eta 2026 urteen artean, Udalak 13 milioi eurotik gora bideratu ditu kanpoaldeko garapenerako lankidetza proiektuetara. Guinea-Conakry da finantzaketa gehien jaso duen hirugarren herrialdea, 1,25 milioi eurorekin, hau da, ordaindutako funts guztien ia %10a. Gainera, Sahararen atzetik, laguntza gehien jaso duen bigarren herrialde afrikarra da, Vitoria-Gasteiz-ek aspalditik baitu harekin lankidetza-ibilbidea.
“"Datu hauek agerian uzten dute Udalaren konpromisoa Guinea-Conakryrekin eta lankidetza proiektuak sustatzen eta aurkezten dituzten irabazi-asmorik gabeko elkarteen lana eta egiteko ona aitortzen dute."
