Vitoria-Gasteizko Udala k igandean, uztailaren 12an, alerta laranja ezarriko du bere Bero Planaren barruan, tenperatura altuak mantenduko direlako. Meteorologiaren aurreikuspenen arabera, 36 gradu Celsius ingurukoak izango dira gehienezko tenperaturak.
Halaber, ostiral honetan, uztailaren 10ean, eta larunbatean, uztailaren 11n, tenperatura altuak mantenduko direla aurreikusten denez, alerta horia aktibatuko da. Gehienezko tenperaturak 34-36 gradu Celsius artean egon daitezke.
Alerta hauek aktibatzearekin batera, udal baliabideak martxan jarriko dira, hala nola Osasun Publikoa, Kirolak, Gizarte Politikak, Hezkuntza, Iraunkortasuna, Klima eta Energia, Herritarren Arreta eta Gardentasuna, Komunikazioa, Prebentzioa, Suhiltzaileak eta Salbamendua, Udaltzaingoa, Zentro Zibikoak, Espazio Publikoa, Mantentzea, Gazteria eta Turismoa.
