TUVISA k, Vitoria-Gasteiz ko udal sozietateak, bere flota modernizatzeko eta elektrifikatzeko estrategian aurrera jarraitzen du. Horretarako, Izaskun Reyes presidenteak eta Josetxo Rico gerenteak Madril en ospatzen den Feria Internacional del Autobús y el Autocar (FIAA) azokan parte hartu dute. Azoka hau, sektoreko fabrikatzaile, operadore eta teknologia enpresa nagusiak biltzen dituen topagune garrantzitsua da.
Azokaren helburua da merkatuko azken soluzioak ezagutzea, bereziki autobusen elektrifikazioan, karga sistemetan, energiaren efizientzian, konektibitatean, segurtasunean eta flota kudeaketan. Aurten, zero emisiodun ibilgailuak eta elektromobilitatearekin lotutako teknologiak izango dira protagonista nagusiak.
TUVISA ren parte hartzeak etorkizuneko teknologiei buruzko informazioa eskuratzea du helburu, Vitoria-Gasteizko beharrei egokien datozen irtenbideak aurkitzeko. Reyesek azpimarratu duenez, "transformazio teknologikoa oso azkar doa eta elektrifikazioa dagoeneko ez da etorkizuneko aukera bat, baizik eta errealitate bat".
Azken urteetan, TUVISA k bere flota berritzeko urrats garrantzitsuak eman ditu, batez ere Bus Eléctrico Inteligente (BEI) proiektuarekin. Guztira 13 autobus %100 elektriko ditu, eta horiek dagoeneko hiru milioi kilometro inguru egin dituzte. Gainera, 2024an eta 2025ean beste autobus elektriko berri batzuk gehitu dira, linea berriak elektrifikatzeko eta flotaren antzinatasuna orekatzeko.
Reyesek gaineratu duenez, "flota berritzea ez da soilik autobusak erostea; hurrengo hamarkadetan nahi dugun garraio publikoa planifikatzea da". Horretarako, teknologia, autonomia, karga sistemak, edukiera, mantentze-lanak eta autobusaren bizi-zikloko kostuak ondo aztertzea ezinbestekoa da, eta FIAA bezalako azokek horretarako aukera paregabea eskaintzen dute.
