Vitoria-Gasteizko Udalak antolatutako Muestra de Espectáculos Infantiles-en XXIII. edizioak hiru emanaldi eskainiko ditu aurten, guztiak ere arratsaldeko 18:30ean hasita. Sarrerak abenduaren 10ean jarriko dira salgai udaletxeko webgunean.
Egitaraua abenduaren 26an hasiko da, Candileja producciones-en eskutik datorren Alicia en el país de las maravillas musikalarekin. Haurrentzako (3 urtetik aurrera) eta gaztelaniazko lan honek autismoa, onarpena eta maitasun itsua lantzen ditu, publikoa barre eta hunkitzeko helburuarekin.
Hurrengo egunean, abenduaren 27an, Ane Martinez eta Leire Aparicio-ren Loa eta laia zuzenean izango da. Euskarazko kontzertu honek (2 urtetik aurrera) dantzan jarriko ditu txikienak, koreografia dibertigarriekin, koruekin eta jolasarekin.
Azkenik, abenduaren 28an, euskarazko klasiko bat izango da ikusgai: Porrotx, Marimotots, Pupu eta Lore taldeak Musu bete urte aurkeztuko dute. 3 urtetik gorakoentzat zuzendutako ikuskizun honek musuak ardatz hartuta, familiak kantari eta dantzan jarriko ditu.
"Gabonetako iragarkiekin hasi gara, kasu honetan beti arrakastatsua izaten den programazio kultural klasiko batekin. Eta aurten ziur nago txikien eta haien familien gozamenerako izango dela berriro ere eskaintza honekin", adierazi du Sonia Díaz de Corcuera, Kultura eta Hezkuntza zinegotziak.
Sarrerak abenduaren 10ean, 8:30ean, udalaren webgunean egongo dira salgai, 5 euroko prezioan.
