Vitoria-Gasteiz izan da larunbatean Euskadiko Azoka Ekologikoen Ibilbidea 2026 ren lehenengo geldialdia. Ekimen honek datozen hilabeteetan zehar Euskadiko hainbat herritan zehar ibiliko da, ekoizpen ekologikoa eta hurbileko kontsumoa herritarrengana hurbiltzeko helburuarekin.

Goizean goizetik bazkalordura arte, hamarnaka pertsona hurbildu dira Celedones de Oro plazara, ekoizle ekologikoek eta artisauak jarritako postuetan barrena ibiltzeko. Bertan, gertuko lekuetako produktuak, hala nola Maeztu edo El Villar retik zetozen ogia, barazkiak, pasta edo gaztak eskuratu ahal izan dituzte bisitariek.

Jardunaldia ez da merkatu batera mugatu. Goizeko 11:30ean prentsaurreko bat izan zen, Euskadiko Azoka Ekologikoen Ibilbidea ofizialki hasteko. Ondoren, 12:15ean, bertako landare basakiei buruzko tailerra hasi zen. Goizeko azken zatia gastronomiaren eta musikaren inguruan gauzatu zen, poteo eta kontzertu txiki batekin.

Eguerdia pasata, showcooking bat izan zen, programazioari amaiera emateko. Ekitaldi honek ekoizle eta kontsumitzaileak eredu jasangarriago baten inguruan bildu zituen berriro ere, Vitoria-Gasteizko erdigunean produktu ekologikoak protagonista izan ziren goiz batean.