Udaltzaingoak bi kanpaina berezi antolatuko ditu urrian: lehena, hilaren 1etik 4ra, eta bigarrena, 12tik 18ra. Operatibo horiek goizeko eta arratsaldeko txandetan egingo dira, eta gainera, gaueko txandetan ere zaintza indartuko da.
Araudi berriaren arabera, ezinbestekoa izango da gauez edo ikusgarritasun gutxiko baldintzetan argi edo elementu islatzaileak erabiltzea. Gainera, VMP-ak lanbide gisa erabiltzen dituztenek txaleko islatzailea erabili beharko dute lanorduetan.
Ibilgailuaren argiak beti piztuta edukitzeko betebeharra urriaren 1etik aurrera sartuko da indarrean. Halaber, araudi berriak bi neurri jasotzen ditu, Udalak duela bi urte bere patineteentzako ordenantzan jada txertatu zituenak: VMP gidatzeko gutxieneko adina 15 urte ezartzea eta kaskoa erabiltzeko betebeharra.
“"Kanpaina honen helburua da betebehar berriak hasieratik ezagutaraztea eta patinete elektrikoen erabiltzaileek jakitea neurri hauek beraien segurtasuna eta bideko gainerako erabiltzaileekiko bizikidetza hobetzeko direla."
“"Beti bezala berritasun batekin, lehen aste hauetan informazioa eta kontzientziazioa araudiaren betetzearen kontrolarekin uztartu nahi dugu."
Mugikortasun mota honi arreta berezia eskaintzea, herritarrek helarazitako gorabeheren bolumenari ere badagokio. VMP-ei lotutako gaiak herritarren komunikazio-kanalen bidez jasotzen dituen kexen heren bat baino gehiago dira. "Jende askori kezka ematen dion kontua da, eta prebentziotik jardun nahi dugu, baina baita arau berriak betetzen direla bermatuz ere", ondorioztatu du Fernández de Landak.
