Haziak lehiaketak, Gasteizko gazteen ideiak bultzatzeko, zazpi proiektu onenak aukeratu ditu. Horiek laguntza teknikoa eta gehienez 3.000 euroko diru-laguntza jasoko dute, sormena, kultura eta gazteen parte-hartzea sustatzeko. Guztira, 14 eta 30 urte bitarteko 30 gaztek aurkeztutako 15 proposamen aztertu dira.
Epaimahaiak, gazteek eta teknikari adituek osatua, proposamen bakoitzaren bideragarritasuna, gaia eta originaltasuna baloratu ditu, baita sormena eta aurretik saritutako ideiak ez errepikatzeko garrantzia ere. Aurtengo edizioan, 21 eta 30 urte bitarteko kategorian zentratu da parte-hartzea.
Hautatutako ideiek hainbat arlo jorratzen dituzte, hala nola argitalpenak, gizarte-ekimenak, artea eta moda. Horien artean, sexualitateari buruzko gazteen bizipenak jasotzen dituen argitalpen bat, gazteen artelanak erakusteko espazio alternatibo bat, antzerki-funtzio surrealista bat, fanzine kultural kolektibo bat, kimioterapia tratamenduan dauden pertsonentzako arropa bilduma bat, gizarte-bilakaerari buruzko film labur bat eta hiriko errealitate sozialak ikusarazteko argazki-proiektu bat daude.
“"Garrantzitsua da Gasteizko gazteen sormena, kultura eta parte-hartze aktiboa sustatzen duten politikak bultzatzea."
Hautatutako proiektuek Gasteizko gazteen aniztasuna, sormena eta protagonismoa islatzen dituzte. Udalaren laguntza tekniko eta ekonomikoari esker, ekimen hauek datozen hilabeteetan gauzatu ahal izango dira, ideia originalak eta proposamen sortzaileak gizartearekin partekatuz.
