Berantevillak Quonfussion Jaialdia hartuko du berriro ekainaren 27an, doako kultura ekitaldi bat, goizeko 11:30ean hasi eta gauerditik aurrera luzatuko dena. Ekimen hau Qolektibo Qonfussion, herriko lagun talde batek, eta Berantevillako Udalak antolatu dute.
Jaialdiaren helburua herriko plaza ohiko erabileratik harago eramatea da, bertaratzen direnei esperientzia berriak eta kultura adierazpen askotariakoak eskainiz. Antolatzaileek adierazi dutenez, "Quonfussion dantza da, musika da, antzerkia da, kalejira da, barrea da, topaketa da eta, batez ere, gozamena da".
Urtez urte, ekimenak diziplina eta estilo desberdinetako ikuskizunak eta tailerrak biltzen ditu, kultura ezberdinak modu ludiko eta parte hartzailean ezagutzeko aukera emanez. Horrela, Berantevilla egun batez "sormenaren, artearen eta elkarbizitzaren" topagune bihurtuko da.
“"Quonfussion dantza da, musika da, antzerkia da, kalejira da, barrea da, topaketa da eta, batez ere, gozamena da"
Antolatzaileek herritarrak eta bisitariak gonbidatu dituzte egun osoko kultur eskaintzaz gozatzera, "adin guztietarako jarduerak eta zuzeneko ikuskizunak uztartuko dituen jaialdi paregabe batean parte hartzera".
Egitarauak hainbat jarduera proposatzen ditu, hala nola parkour tailerra gazteentzat, txikientzako instrumentuak egiteko tailerra, eta zuzeneko emanaldiak Joyful Gospel Choir, Trapu Zaharra, Aldakan, Maloa Brothers eta Moonshine Wagon bezalako taldeekin.
