Lekeitioko (Bizkaia) uretan jokatu den Lekeitioko Ikurrina estropadan parte hartu dute gaur Zumaiako traineruek. Nahiz eta garaipenik lortu ez, lan ona egin dute bi taldeek. Emakumezkoen taldea hirugarren postuan sailkatu da, eta gizonezkoena zazpigarren amaitu du proba.

Orio izan da nagusi bi kategorietan. Eguraldi aldakorreko egunean, haizeak eragina izan du estropadan. Emakumezkoek bi luze eta ziaboga bat osatu behar izan dituzte. Zumaiak 12 minutu eta 18 segundo behar izan ditu helmuga zeharkatzeko, Orioren (11:58) eta Hibaikaren (12:12) atzetik.

Gizonezkoen txandan, lau luze eta hiru ziaboga izan dira erronka. Bertan ere Orioko trainerua izan da azkarrena, 21:45,27ko denborarekin. San Juan izan da bigarren (21:54,40), eta Zarautz hirugarren (21:56,00). Zumaia zazpigarren postuan helmugaratu da (22:36,00).