Zumaiako Udala k dei egin die herriko taldeei eta eragileei Abuztuaren 7an ospatuko den Euskal Jai Eguna ko ekitaldi nagusietan lagun dezaten. Zehazki, bazkari herrikoian eta sagardo dastaketan parte hartzeko boluntarioen beharra dute. Ekintza hauetan laguntzeko interesa dutenek 2024ko uztailaren 10a baino lehen eman beharko dute izena. Horretarako, Alondegia ra joan daitezke, 943 86 10 56 telefono zenbakira deitu edo [kultura@zumaia.eus](mailto:kultura@zumaia.eus) helbidera idatzi.
Boluntarioek 400 lagunentzako bazkaria prestatzeko azpiegiturak eta tresnak prestatzen lagunduko dute. Horrez gain, txartelen kudeaketa, herritarren sarrera zaintzea, bazkaria zerbitzatzea eta amaieran ingurua jasotzeko eta garbitzeko lanak ere egingo dituzte.
Sagardo dastaketaren atalean, berriz, hamar ekoizleren sagardoa banatuko da. Boluntarioek postuak jartzeaz, edalontziak saltzeaz, sagardoa banatzeaz eta gunea garbitzeaz arduratuko dira.
Udalak argitu duenez, etekin ekonomikorik gabe diharduten tokiko elkarteak dira deialdi honetan parte hartzeko gonbidatuak. Izena ematen duten eragileekin bilera bat antolatuko du udalak, xehetasun guztiak azaltzeko eta taldeen arteko zozketa egiteko.
