Udala herritarrekin lanketa kolektiboa egiten ari da herrian emakumeen eta gizonen berdintasunaren arloan dauden arazo eta beharrak aztertzeko. Saio ireki honen helburua Zumaiako eguneroko bizitzan, eremu desberdinetan, emakumeek bizi dituzten errealitateak ezagutzea eta horien inguruan hausnartzea da.
Herritarren ekarpenak eta bizipenak entzunda, berdintasunaren arloan dauden erronkak eta beharrak identifikatu nahi dira, eta horiek kontuan hartuta osatuko da Berdintasunerako V. Plana.
Udalak herritarren iritziak eta proposamenak bildu nahi ditu, planak Zumaiako errealitateari erantzun diezaion eta herritarren beharretatik abiatuta eraiki dadin.
Horrenbestez, zumaiar guztiak gonbidatuta daude parte hartzera eta beren ikuspegia, kezkak eta proposamenak partekatzera.




