Udaberri amaierarekin batera iritsiko da Literaturia jaialdia Zarautz era, eta bertan 'euskal letren plaza' bihurtzeko asmoa du. Aurtengo edizioa, maiatzaren 29tik 31ra ospatuko dena, ekitaldi ugariz beteta egongo da hainbat gune publikotan. Liburu azoka nagusia Lege Zaharren enparantza n kokatuko da, eta larunbatean izango da azoka eguna, non argitaletxeek euskal literaturako lanak erakutsiko dituzten eta liburu aurkezpenak ere bertan egingo diren.
Azokaz eta aurkezpenek gain, asteburuan zehar hainbat tailer eta ekitaldi antolatu dira. Ekitaldietarako sarrerak dagoeneko eskuragarri daude Literaturiaren webgunean eta Modelo Aretoko leihatilan. Aurtengoa jaialdiaren 12. edizioa izango da, eta 'Dar-Dar' lelopean gauzatuko da.
Aurkezpenean azaldu zutenez, Maialen Berasategi itzultzaileak zabalduko du egitaraua ostiralean, hilak 29an, 20:00etan Modelo aretoan, bere manifestua irakurriz. Ondoren, 20:15ean, Imanol Epelde k 'Zerbait sartu zait begian' aurkeztuko du, musika eta irudia uztartzen dituen performance batean.
Larunbatean, liburu azoka 11:00etatik 14:00etara eta 16:30etik 19:30era izango da Lege Zaharren enparantza ko karpan. Bertan, Ahotsenea gunean, hainbat idazlek beren lanak aurkeztuko dituzte, besteak beste, Amaia Aranzeta, Nahia Intxausti, Ibai Sarasua, Joxean Agirre, Maite Lopez Las Heras, Garbiñe Ubeda, Leire Mendiburu, Iñigo Roque, Aitziber Etxeberria eta Peio Iturralde.
Egun berean, beste ekitaldi batzuk ere izango dira: 11:00etan idazketa tailerra gazteentzat Etxezabalan, Mejillon Tigre taldearen eskutik; eguerdiko 12:00etan aitortza egingo zaio Armiarma.eus atariari bere lanagatik Lege Zaharren enparantza n; jarraian, 12:30ean, Lurdes Iriondo omenduko da; eta 20:15ean, Habia taldeak kontzertua emango du bere azken diskoa aurkezteko.
Igandean, egitaraua 11:30ean hasiko da Santa Klara komentuko eliza n, non Uxue Rey-k Xabier Olarra elkarrizketatuko duen, Lide Hernando ren musikak lagunduta. Jaialdia haurrentzako saio batekin amaituko da: 16:45ean, Modelo aretoan, 'Klera' ikuskizuna eskainiko dute 6-12 urtekoentzat, Kukai dantza taldea eta Maite Larburu musikariarekin.
Irune Urbieta, udaleko euskara eta kultur zinegotziak, antolatzaileen lana goraipatu zuen, "udalarentzat pozgarria da euskal literatura sustatzeko egiten duzuen lana" adieraziz, eta etorkizunean ere udalak laguntza emango diela ziurtatu zuen. Antolatzaileek Euskal Herriko literaturzale guztiak gonbidatu dituzte Zarautzera maiatzeko azken asteburuan.
