Óscar Rodríguez harmoniumean eta Ignacio Arakistain pianoan osatutako bikoteak errepertorio berezia prestatu du. Bertan, F. J. Haydn (Introduction und Allegro aus der Symphonie Nr. 104 in d-Moll), C. Franck (Prélude, fugue et variation), I. Stravinsky (L’Oiseau de feu: IX. Berceuse - X. Finale) eta R. Wagner (Vorspiel zur Oper Die Meistersinger von Nürnberg) bezalako konpositoreen lanak entzun ahal izango dira.
Kontzertu honek Udaberri Musikala zikloari hasiera emango dio, Azkoitiko Udalak Gipuzkoako Foru Aldundiaren laguntzarekin antolatzen duena. Zikloak jarraipena izango du maiatzaren 9an Iberia laukotearen emanaldiarekin, eta maiatzaren 16an, berriz, Ainhoa Zubillaga, Juan Laboreria eta Iñaki Salvadorrek “Musicales con huella” izeneko kontzertua eskainiko dute.
Zikloaren amaiera maiatzaren 23an iritsiko da Iberian Brass taldearen eskutik. Kontzertu guztiak Santa Cruz komentuan egingo dira, musika klasikoaren zaleentzat giro paregabea eskainiz.
