Zarautz ko Desertu Txikiak Txaparrotan hondartzako eskubaloi txapelketaren 21. edizioa hartuko du uztaileko lehen bi asteburuetan. Aurten, gaztetxoekin osatutako 121 taldek jokatuko dute lehenengo asteburuan, eta helduen 128 taldek, berriz, hurrengoan, uztailak 11 eta 12 an.
Lehiaketa hau uztailaren 3 eta 4 an hasiko da, larunbatean goizeko 9:30ean partidak hasita sei kirol zelaietan banatuta: Tablauan, Argiñanon, Santa Barbaran, Kanpinean, Allapuntan eta Mollarrin. Partida bakoitzak 10 minutuko bi zati eta 5 minutuko atsedenaldia izango ditu. Zati bakoitzeko irabazleak puntu bat lortuko du, eta berdinketa izanez gero, 'gol de oro' edo 'shoot out' bidez erabakiko da garailea.
Igande eguerdian ligaxkak jokatuko dira multzo ezberdinetan, eta ondoren kanporaketak hasiko dira. Final laurdenak 15:30ean, 16:00etan eta 16:30ean izango dira. Finalerdiak 17:00etan eta 17:30ean jokatuko dira, eta finalak, 18:00etan eta 18:30ean.
Mailaka banatuta, Benjaminetan 35 taldek lehiatuko dute (11 nesken mailan, 24 mutilenean, horietatik 10 mistoak). Kimuetan 44 taldek eman dute izena (17 nesken mailan, 27 mutilenean, zazpi mistoak). Infantil mailan, berriz, 38 talde arituko dira (23 nesken mailan, 15 mutilenean, bat mistoa). Gainera, lau talde egokitu ere lehiatuko dira, A eta B kategorietan, bi talde Zarauzkoak eta beste biak Errenteriakoak.
Helduen txapelketa uztailaren 11 eta 12 an izango da. Ligaxkako partidak larunbatean 9:00etan hasiko dira eta igande eguerdira arte luzatuko. Ondoren, 14:00etatik 18:00etara kanporaketak jokatuko dira, eta finalak 18:30ean eta 19:00etan izango dira.
Emakumezkoen mailan 40 talde aurkeztu dira, iaz baino gehiago. Zarauzko az gain, Orioko, Aiako, Eibarko, Oñatiko, Daganzoko eta Elorrioko taldeak arituko dira. Talde mistoak 10 dira. Gizonen mailan, berriz, 70 talde lehiatuko dira.
