Orioko Udala k aitorpen bikoitza jaso du Bruselan, Europako Inklusio eta Aniztasun Hiriburua sarietan bi zilarrezko domina eskuratuz. Udalerria bi kategoriatan zegoen izendatuta finalerako: 50.000 biztanletik beherako toki erakundeen multzoan eta merkataritza inklusiboaren sari berezian. Bi kasuetan, bigarren postuan sailkatu da.

50.000 biztanletik beherako udalerrien kategorian, Orio beste lau udalerrirekin batera izan zen finalista. Horien artean, Gipuzkoako Azpeitia eta Errenteria ere zeuden. Azkenean, Errenteria k urrezko domina eskuratu zuen, Orio k zilarrezkoa eta Galiziako San Xoan de Rio k brontzezkoa. Merkataritza inklusiboaren sari berezian ere, Errenteria k lortu zuen lehen saria, Orio k bigarrena eta Italiako Milan ek hirugarrena.

Europako Batzordeak sustatutako sari hauen helburua da udalerriek berdintasunaren, inklusioaren eta aniztasunaren alde egiten duten lana aitortzea eta balioestea. Orio finalisten artean kokatu izana "aniztasunaren eta inklusioaren alde egindako ekarpen nabarmenengatik" izan da, Batzordeak adierazi duenez. Sari hauek diskriminaziorik gabeko eta inklusiboagoak diren komunitateak eraikitzeko tokiko jardunbide egokiak nabarmentzen dituzte, bereziki sexua, adina, desgaitasuna, LGTBIQ+ identitatea, erlijioa edo sinesmenak eta jatorri etnikoa edo arraza bezalako arloetan.

Orioko Udala k azpimarratu duenez, Europako finalisten artean egoteak "nazioarteko aitortza garrantzitsua" dakar, "herrian azken urteotan berdintasunaren, zaintzaren, aniztasunaren eta inklusioaren alde egindako lanaren emaitza". Udalerriaren hautagaitza hiru proiektu eta lan ildo nagusitan oinarritu da: iazko udazkenean martxan jarritako Parrilla Festa; azaroan aurkeztutako Bizitza Askeak Plazer indarkeriaren aurkako estrategia; eta 2023 tik martxan dagoen Saregile emakumeen etxea. Proiektu hauek Orio herri bizi, ireki eta kohesionatu gisa sendotzea dute helburu.