Ekitaldi hau lehen aldiz egingo da, eta Balearen Eguna ren egitarauaren zati da. Iaz, antzeko kantu afari bat egin zen Balea elkartean, Euskaraldia ren barruan, arrakasta handiz.

Kantu afarirako txartelak bihar, asteazkena, jarriko dira salgai Turismo Bulegoan, arratsaldeko 17:00etatik aurrera. Antolatzaileek hiru menu mota eskainiko dituzte aukeran, prezio desberdinetan.

Lehenengo menuak entsalada mistoa, baserriko oilaskoa parrillan eta pasteltxo-dastaketa izango ditu, 18 euroko prezioan. Bigarren menuak, berriz, entsalada mistoa, barazki menestra, lasaña eta postrea eskainiko ditu, baita ere 18 euroan. Haurrentzako menu berezi bat ere egongo da, 12 euroan, iberikoak, urdaiazpiko kroketak, baserriko oilaskoa patatekin eta izozkia barne hartuta. Menu guztietan ogia, edariak eta kafea sartuta daude.

Pertsona bakoitzak gehienez lau txartel erosi ahal izango ditu. Gainera, txartelak erostean, afarian mahaiak eta aulkiak jartzen laguntzeko boluntario gisa izena emateko aukera izango da. Boluntarioak afariaren egunean, maiatzaren 8an, 18:00etan elkartuko dira Herriko Plazan.