Bidaia hauek maiatzaren 1ean, osteguna, 12:00etan izango dira; larunbatean, maiatzaren 3an, 12:00etan eta 17:30ean; eta igandean, maiatzaren 4an, 12:00etan. Aukera paregabea da trenbidearen historia bizitzeko.

Museoak ateak zabalik izango ditu hiru egun horietan. Maiatzaren 1ean eta 4an, ordutegia 10:30etik 14:00etara izango da. Maiatzaren 3an, berriz, 10:30etik 14:00etara eta 16:00etatik 19:30era egongo da zabalik.

Bertan, Europako trenbide bilduma onenetako bat ikus daiteke, mota guztietako ibilgailuekin: lurrun, diesel eta tren elektrikoak, automotoreak eta hainbat bagoi. Gainera, Euskadiko makina-erreminta multzo osatuenetako bat ere badago, Urolako trenbidearen tailer mekaniko zaharrean.

Museoak XIX. mendearen amaieratik trenbideko langileek erabilitako uniformeen laginak eta munduko tren erlojuen bilduma onenetako bat ere erakusten ditu, trenbidearen ondare historikoa osatuz.