Zarautz-en, lau urtez jarraian, uztaila eta abuztuan zehar igandero antolatzen diren Udako Erromeriak arrakasta handia izaten ari dira. Udalak antolatutako ekitaldi hauek jende ugari erakartzen dute, bai herritarrak zein bisitariak.
Joan zen ostiralean, San Inazio egunean, emanaldi berezia egin zen. Bertan, Oilar Beltzak & Intxausti eta Larrañaga taldeek girotu zuten arratsaldea eta dantzarako aukera paregabea eskaini zieten bertaratutakoei. Musika Plazak giro ederra erakutsi zuen, beste igandetan bezala, eta jendeak asko eskertzen du euskal kulturaren eta nortasunaren elementu garrantzitsu hauek sustatzeko aukera.
Abuztuan murgilduta, beste lau emanaldi iragarri dira. Igande honetan bertan, arratsaldeko 19:30ean hasita, Garixe, Lanberri eta Aldalur hirukoteak eskainiko du erromeria. Saioak izango dira baita abuztuaren 9an (Laja, Izer eta Alabier), 23an (Elustondo anai-arrebak) eta 30ean (Imanol Astiasaran eta Unai Andonegi).
