Urtero bezala, maiatza iristearekin batera, Orioko Talai Mendi mendi elkarteak bere urteko hitzordu garrantzitsuenetako bat antolatu du: Kukuarri Astea. Aurten, maiatzaren 23tik 31ra bitartean egingo da, eta mendi lasterketa batekin hasi eta mendi irteera batekin amaituko da.

Ekitaldiak VI. Talai Mendi Trail mendi lasterketarekin hasiko dira, maiatzaren 23an, larunbatean, Orioko Herri Ikastola aurretik abiatuta. Ondoren, maiatzaren 26an, asteartean, 17:00etatik 20:00etara, Got orientazio proba egingo da, Talaimendiren egoitzatik (Iturbide kalea) abiatuta.

Astean zehar, hainbat jarduera eskainiko dira. Maiatzaren 28an, ostegunean, 17:00etatik 20:00etara, slick-line saioa izango da tirolinako parkean. Maiatzaren 30ean, larunbatean, 16:00etatik 20:00etara, eskalada saioa egingo da eliza inguruan, eta tirolina bat elizatik Herriko Plazara.

Kukuarri Astea maiatzaren 31n, igandean, amaituko da Kukuarri Egunarekin. Goizeko 09:00etan, parte-hartzaileak Herriko Plazatik abiatuko dira Kukuarri puntara. Goiko aldean, 11:00etan, elizkizun bat egingo da, eta ondoren salda eta pintxoak eskainiko dira mendizaleentzat.