Udal ordezkariek azaldu dutenez, proiektuaren oinarrizko diseinua eta gauzatze-lanak zehazteko prozesua abiatu dute. Esku-hartzeak Hiri Drainatze Jasangarriko Sistemak (HDJS) txertatuko ditu, euri-uraren kudeaketa eraginkorra eta kalitatezkoa bermatzeko, zoladura iragazkorrak eta bertako landare-espezieak erabiliz.
Proiektua herritarrekin batera garatzeko, Udalak inkesta bat prestatu du. Bertan, bizilagunek eremuaren egungo egoerari buruzko iritzia eman eta aisialdi-gune berri horretarako proposamenak aurkez ditzakete.
Parte hartu nahi duten ugaotarrek urriaren 25era arteko epea dute. Inkesta Udalaren egoitza elektronikoaren bidez edo posta elektroniko bidez bidaliz bete daiteke.
