Musika ziklo beterano honen azken hitzordua Azkoitiko Udalak eta Gipuzkoako Foru Aldundiak elkarlanean antolatu dute. Emanaldian, Musikene ikastegian sortutako boskoteak errepertorio zabala aurkeztuko du, besteak beste, Samuel Scheidt, Georg Friedrich Händel, Piotr Ilich Txaikovski eta Georges Bizet konpositoreen lanak interpretatuz.
Kontzertura joan nahi dutenentzat, antolatzaileek autobus zerbitzua jarri dute martxan. Garraioa Julio Urkixo kaleko 7. zenbakiko geltokitik abiatuko da, 18:00etan.
Aurtengo Udaberriko Musikaldia zikloak hainbat emanaldi izan ditu azken asteetan, hala nola Aire(H)ari Bikotea, Iberia laukotea eta Musicales con huella ikuskizuna. Larunbateko kontzertuaren ostean, zikloak 2027ra arteko etenaldia egingo du.
