Iberia laukoteak Santa Kutz komentuan jo zuen Udaberriko Musikaldiaren bigarren kontzertuan. Taldeak Juan Crisostomo Arriaga konpositoreari omenaldia egin zion, haren heriotzaren bigarren mendeurrena zela eta. Ganbera musikaren aldeko apustua egin zuen laukoteak, eta bertaratu zirenek maila goreneko emanaldi batez gozatzeko aukera izan zuten.
Udaberriko Musikaldiaren barruan, beste bi kontzertu eskainiko dira datozen bi larunbatetan. Hurrengo larunbatean, hilak 16, Ainhoa Zubillaga, Juan Laboreria eta Iñaki Salvador hirukotearen txanda izango da. Hirukoteak Musicales con huella lana taularatuko du Santa Kutzen, eta ikus-entzuleak irrati programa baten bidez musikalaren generoaren unibertsoan zehar bidaia eklektiko bat egitera gonbidatuko dituzte.
Udalak antolatuta, herrigunetik Santa Kutzera autobusez joateko aukera egongo da. Autobusa 18:00etan aterako da Julio Urkixo etorbidearen 7. zenbakiaren alboko geralekutik, eta kontzertua amaitu bezain laster itzuliko da herrigunera. Autobusa hartzeko ez da aurrez izena eman beharrik izango.
