Getaria k uztailaren 15etik 19ra bitartean hondartzetako sentsibilizazio kanpaina bat antolatuko du, Malkorbe hondartzan jarduera ezberdinak burutuz. Kanpainaren helburua itsasertz garbiago baten aldeko kontzientzia piztea da.
Asteazkenetik igandera luzatuko diren ekintzak goizeko 11:00etatik 14:00etara izango dira. 'Udara honetan murgil zaitez olatuen erritmoan' lelopean, ingurumen-tailerrak, hondartzako materialen doako mailegua eta material birziklatuekin musika sortzeko proposamenak eskainiko dira.
Asteazkenetik ostiralera, hondartzako materialen mailegu arduratsua eta hondakinetatik abiatuta musika-tresna sinpleak sortzeko tailerra izango dira. Gainera, partaideek mikroplastikoak identifikatu eta lokotx bilketa egin ahal izango dute.
Larunbatean, uztailaren 18an, aurreko egunetako jarduera batzuk mantenduko dira, hala nola materialen mailegua eta musika tresnak sortzeko tailerra.
Igandean, uztailaren 19an, gauzateka eta musika tresnen tailerra errepikatuko dira. Eguerdian, 12:30etik 13:30era, Trakamatrakak zuzendutako ikuskizun musikala izango da.
Antolakuntzak ohartarazi duenez, eguraldi txarra dela eta, programatutako jarduerak bertan behera geratu daitezke.
