Ostiraletik igandera bitartean, Karela kiroldegia emakumezkoen jubenil mailako eskubaloiko Espainiako Txapelketaren sektore fasearen egoitza izango da. Lau taldek hartuko dute parte, guztiak guztien aurka jokatuz hiru jardunalditan zehar.

Lehiaketa ostiralean, hilak 1, hasiko da bi partidurekin: 16:30ean, Leganes eta Porriño ren artekoa, eta 18:30ean, Dhemen-Zipri Orio eta Les Franqueses talde katalanaren artekoa. Larunbateko jardunaldia 10:00etan hasiko da Leganes eta Les Franqueses en arteko norgehiagokarekin, eta 12:00etan oriotarrek Porriño ren aurka jokatuko dute. Fasea igandean amaituko da hirugarren jardunaldiarekin, 10:00etan Les Franqueses eta Porriño ren arteko talkarekin, eta 12:00etan Dhemen-Zipri Orio eta Leganes en arteko partidarekin.

Taldeko lehenengoak bakarrik lortuko du sari nagusia, estatuko txapelketaren azken faserako sailkatzeko. Asteburu honetako sektore faseetako zortzi irabazleak sailkatuko dira. Erronka zaila da oriotar gazteentzat, baina harmailetatik jasoko duten babesarekin kontatuko dute.

Bestalde, Zuhegan Orio talde seniorrak play-off a jokatuko du Berango n. Finalerdia larunbatean izango da, 16:00etan, Aloña Mendi ren aurka, eta irabaziz gero, igandean 12:00etan jokatuko lukete finala, Berango/Urduliz eta Elgoibar ren arteko beste finalerdiaren irabazlearen aurka.