Urteak daramatzan Zumaia Cuban Boxing klubak, Ruben Arredondo ren gidaritzapean, boxeo jaialdiak antolatzen Zumaia n uda sasoia hastearekin batera. Jarduera hau lehenago Lubaki kiroldegian egiten zen, baina azken urteetan Aitzuri pilotalekura lekualdatu dute.
Aitzuri pilotalekuak beroa izateko fama du pilotarien eta zaletuen artean. Hala ere, atzokoan freskotasuna aurkitu zuten bertan, kanpoan zegoen bero handiarekin alderatuta. Beroagatik edo, aurreko ekitaldietan baino zaletu gutxiago bertaratu zen ekitaldira.
Guztira zazpi borrokaldi izan ziren atzo, eta horietako batzuetan Zumaia ko klubeko boxeolariak igo ziren ringera. Kolpeak partekatzen ziren heinean, zaletuen animoen eta oihuen bolumena ere handitu zen, ikuskizunaz gozatzeko aukera paregabea eskainiz.
