Atzokoan, lehiaketaren ohiko bi emanaldi formatuan osatutako lehen jardunaldia izan zen. Lehen saioa 19:00etan hasi zen plazan, eta bertan estreinatu zen aurten lehiaketan Joseto ta Alayak elektrotxaranga, Urretxu-Zumarragako taldea. Hauek Plaza Txikian eta Erdikalean barrena egin zuten bidea, Perez Arregi plazaraino.

Ondoren, 20:30ean hasita, Elektrotxuflak ibilbide beretik alderantzizko bidea egin zuen. Azpeitiko lehiaketaren talde klasiko honek, lehen eta hirugarren edizioetako irabazleak izanik, girotu zuen arratsaldea.

Aurtengo edizioaren erdia beteta, beste bi jardunaldi antolatu dira datozen larunbatetarako: maiatzaren 23an Sakatu! eta Patxangoi elektrotxarangak arituko dira, eta maiatzaren 30ean OstiKda eta Skapaie taldeek itxiko dute lehiaketa.