Orioko Udalak hautaketa prozesua abiatu du Herritarren Arreta Zerbitzuko administrari lanpostua betetzeko. Aldi baterako kontratua izango da, oposizio lehiaketa ebatzi bitartean. Lanpostua premiazkoa denez, hautagaiek hiru eguneko epea izango dute izena emateko, ostiral honetara arte.
Lanbideren bidez egingo da hautaketa prozesua. Eskaintzaren kodea 162026006557 da, eta xehetasun guztiak Lanbideren webgunean daude eskuragarri. Hautaketa prozesuan parte hartzeko baldintzak betetzen direla egiaztatzeko eta merezimenduak baloratzeko, Lanbidek bidalitako curriculumean agertzen diren datuak bakarrik hartuko dira kontuan.
Udalean beste bide batzuetatik aurkeztutako dokumentazioa ez da baliagarria izango eta, ondorioz, ez da baloratuko. Izena emateko betekizunen artean daude, Batxilergoa edo ikasketa baliokideak izatea eta euskarazko 3. hizkuntza eskakizuna izatea.
Deialdiaren oinarriak kontsultagai daude eskuragarri.
