Azpeitia ko udalak amaitutzat eman ditu Etxe Alai auzoko berrurbanizazio lanak. Proiektua gauzatu aurretik, auzotarrei egitasmoaren berri emateko eta haien iritziak jasotzeko bilera ugari egin ziren. Obrak 2024ko abenduan hasi ziren, eta hiru fasetan egin dituzte, beheko kaletik hasita gorantz. Azken fasea amaitzearekin batera, berrurbanizazioa bukatutzat jo dute.
Ander Larrañaga eta Joanes Amenabar Hirigintza zinegotziek azaldu dutenez, esku-hartzearen helburu nagusiak auzoaren irisgarritasuna eta oinezkoen segurtasuna hobetzea izan dira, baita inguruneari itxura berria ematea ere. Horretarako, espaloiak eta zoladura berritu dituzte auzo osoan, eskailerak egokitu, aparkalekuak berriz margotu, saneamendu sarea hobetu eta argiteria berria jarri dute, beste lan batzuen artean.
Obrak egiteko, guztira 936.000 euro ko inbertsioa egin du udalak. Zinegotziek nabarmendu dutenez, Urrestillako berrurbanizazioarekin batera, azken bizpahiru urteotan udalaren berrurbanizazio arloko inbertsio handienetako bat izan da hau.
