Julen Egiguren V.a-k garaipenarekin hasi du Buruz Buruko B Serieko txapelketaren final laurdenetako ligaxka. Iruñeko Nafarroa Arena n jokatutako partidan, Asier Agirre 22-16 gainditu zuen atzo. Bestalde, Unai Alberdi II.a-k porrotarekin ekin zion ligaxkari, Azkoitiko Gurea frontoian Iñaki Rekalde ren aurka 22-15 galdu ostean, ostiralean.

Bi pilotari azpeitiarrak B Serieko buruz burukoaren A multzoan lehiatzen ari dira. Datorren asteburuan, ligaxkaren bigarren jardunaldian, lehen jardunaldiko irabazleak eta galtzaileak elkarren aurka arituko dira. Horrela, Alberdi II.a-k Agirre ren aurka neurtuko ditu indarrak ostiralean, Gernikako Santanpe n, eta Egiguren V.a-ren aurkaria Rekalde izango da igandean, Gasteizko Ogeta n. Ligaxkako azken jardunaldian, Egiguren V.a eta Alberdi II.a elkarren aurka arituko dira.