EAJ-PNV udal taldeak adierazi duenez, 2025 eko aurrekontuaren likidazioaren emaitzek gobernu-ekintza sendo eta koherente baten isla dira. Talde jeltzaleak azpimarratu du udal aurrekontua herri-eredu bizi eta iraunkor bat gauzatzeko tresna dela, Zarauzko biztanleen bizi-kalitatea eta aukerak bermatuz.

Etxebizitza estrategikoa izaten jarraitzen duela azpimarratu dute. 2025 ean, Salberdinen 60 ostatu dotazional eta 91 tasatutako etxebizitza entregatu dira, eta Eusko Jaurlaritzarekin hitzarmena adostu da Iritan 230 etxebizitza sustatzeko. Gainera, Amillubin tasatutako etxebizitza berriak eraikitzeko urrats sendoak eman dira, gazteei eta zailtasun handienak dituzten kolektiboei etxebizitza eskuratzeko aukera errazteko.

Azpiegituretan eta oinarrizko zerbitzuetan egindako inbertsioak ere nabarmendu dira, hala nola Balea, Madoz, Zumalakarregi eta Mitxelena kaleetako saneamendu eta hornidura sareen hobekuntzak, baita Martiñene plazakoak ere. Sanz Enea inguruko bideak berritu dira eta malekoiko zoladura berria ere inbertsio garrantzitsua izan da. Amalur parkean eta Lapurdi kalean zuhaitz-landaketak ere egin dira.

2025 ean proiektu garrantzitsuak amaitu dira, hala nola Udaltzaingoaren egoitza berria, eta Santa Clara komentuko zaharberritzea hasi da. Irisgarritasunean ere aurrerapenak egin dira Vista Alegren hiru igogailu eraikiz. Asti kirol-instalazioak handitzeko beharrezko lurrak eskuratzeko akordioa ere lortu da 2025 ean.

Kultura eta gizarte kohesioa ere ardatz izan dira, Sala Modelo, Sanz Enea, Torre Luzea eta Merkatu Plazako erakusketekin, Kalerki, eta Santa Clara elizako udako kontzertuekin. Euskara sustatzeko lanak ere jarraitzen du, 2025 ean onartutako AROA Euskararen Plan Estrategikoa gidari dela. Mugikortasunari dagokionez, Iñurritza eta Gipuzkoa kaleko udal aparkalekuetan 134 garaje-plaza jarri dira herritarren eskura, eta Zarauzko saihesbidearen obrak hasi dira Gipuzkoako Foru Aldundiarekin batera.