Eremu hori, Frontoi Txikia ren eta jolas parkearen artean kokatua, hutsik geratu zen 2023ko azaroaren 22an Gernikako arbolaren kimua erori ondoren. Orduan, udalak Alde Zaharreko bizilagunentzat "topaleku eroso" bihurtzea erabaki zuen.

Proiektuaren diseinua parte-hartze prozesu "berritzaile" baten bidez gauzatu zen, udaleko sail ezberdinen eta eremuaren erabiltzaileen (Ilunpe pilota elkartea, Marea Urdina eta Alde Zaharreko bizilagunak, besteak beste) elkarlanarekin. OinHerri k eta Hiritik At-ek lagundu zuten prozesu horretan, 2024ko udazkenean burutu zena.

Lanak astelehenean hasiko dira, eta 84.872 euro ko aurrekontua dute. Udalak bi hilabete eta erdiko epean amaitzea aurreikusten du. Eraldaketak "espazio libre baten aldeko hautua" egin du, "oztoporik gabekoa, multifuntzionala eta goxoa" izango den gunea sortzeko.

Guneak estalpe bat izango du Frontoi Txikiari itsatsita, eta eremua "zertxobait handitu" egingo da, aparkaleku batzuk kenduz. Eserlekuak, landareak, harmailak eta ping-pongeko mahai bat ere jarriko dira. Gainera, zorua "aldatu eta berdindu" egingo da, irisgarritasuna hobetzeko.