Ekimen honen bidez, hainbat herrialdetatik etorritako bizilagunek beren jatorrizko platerak prestatu zituzten, eta elkarteetako bazkideek dastatu ahal izan zituzten. Horrela, Iñurritza elkartean Palestinako platerak dastatu ziren, Alkartasuna elkartean Nazio Zeltetakoak, eta Zazpi elkartean Hondurasko janaria.

Era berean, Batzoki elkartean Boliviako gastronomia izan zen protagonista, Arrano elkartean Afganistangoa, Itxasmendi elkartean Guatemalakoa, eta Ongi Etorri elkartean Kolonbiako jakiak. Galeperra elkartean Senegalgo platerak eskaini ziren, eta Carballeira elkartean Zarautzen bizi diren Ukrainako bizilagunek prestatutako janaria.

Azkenik, Kurpil elkartean Nikaraguako janaria dastatu zen, eta Francisco de Zurbarán elkarte extremadurarrean Paraguaiko gastronomia. Ekimen honek sortutako giro ona azpimarratu dute antolatzaileek, kanpotik etorritako pertsonen integrazioa errazteko udal ekimen gisa.