Saio honetan, eskualdeko eta herrietako egoera aztertzeko, ezagutzeko, proposamenak lantzeko eta lehentasunak adosteko aukera izango dute herritarrek. Ekimen hau Urola Erdiko udalek, Iraurgi Berritzen garapen agentziak eta Laienek sustatutako kanpainaren parte da.

Parte hartze saioa Elisa Sainz de Murieta Geologian doktorearen hitzaldi batekin hasiko da, non Azpeitiko eta eskualdeko datuak azalduko diren. Ondoren, partaidetza dinamika bat egingo da bertaratutako herritarren artean, “Zein dira lehentasunak?” galderari erantzuteko.

Aurreko astean, apirilaren 28an, kanpainaren solasaldi zikloko hitzordu bat izan zen Basazabal jauregian. Bertan, “Zer energia eredu nahi du Azpeitiak?” izenburupean, Mondragon Unibertsitateko irakasle batek, Goienerreko kide batek eta Stop Fosilak taldeko kide batek parte hartu zuten, kazetari baten gidaritzapean.