2025-2026 ikasturteko kirol ikastaroak hil honetan amaituko dira, baina horiek bukatutakoan udako eskaintza hasiko da udal igerilekuan. Udalak jada kaleratu ditu uztailerako eta irailerako antolatutako ikastaroetan izena eman eta onartuak izan diren pertsonen zerrendak.

Gehieneko kopurua gainditu den ikastaroetan, taldeak osatzeko zozketa egin da. Beste ikastaro batzuetan, oraindik plaza libre dago taldea bete arte. Zerrendak osatzeko, kirol bazkide txartelaren zenbakia erabili da identifikazio gisa; bazkide ez direnentzat, berriz, nortasun agiriaren zenbakia erabili da.

Haurren igeriketa ikastaroetan onartutakoen zerrendak ere eskuragarri jarri ditu udalak.

Kirol ikastaroetan onartutakoen zerrendak eta oraindik plaza libre duten ikastaroak kontsultatu daitezke hemen.