Azkoitiko Udala k bere gaitzespen irmoena adierazi du azken asteetan Kultur Etxean eta Azkoitia BHI ikastetxean gertatutako su-itzalgailuen hustuketengatik. Ezezagunek, nahita, bi gune horietan sartu eta itzalgailuak hustu dituzte, eta udalak "bihurrikeria egiteagatik edo dibertitzeagatik" egindako ekintzak izan direla uste du.
“"Gizalegearen kontrako jokabidea da, eta noski, ondorioak ditu; besteak beste, garbiketa lan handia."
Udalak ohartarazi du su-itzalgailuak zabaltzeak kalteak eragin ditzakeela, ez bakarrik delitu gisa, baita osasun arriskuak ere. Itzalgailuek botatzen dituzten substantziek gizakien arnasbideei edo ikusmenari eragin diezaieketela azpimarratu du, eta "bihurrikeria" delakoan, "zorigaitz" bihur daitekeela horrelako ekintza bat.
Udaltzaingoa k "zantzu argiak" ditu ekintza horien atzean adingabeak daudela pentsatzeko. Horregatik, gaztetxoei ohartarazpen bat luzatu nahi izan die, horrelako "gaiztakeriak" edo "zorigaiztoko egoerak" ekidin ditzaten eta etorkizunean berriro gerta ez daitezen.
