Ekitaldia Kultur Etxetik abiatuko da 11:00etan, erraldoiekin, Zapotxin pailazoarekin eta trikitixa taldearekin kalejira bat eginez, Eusko Gudari eta Arrantzale kaleetatik barrena.
Ekitaldia plazan amaituko da 12:00ak inguruan, eta bertan, 30 urtez elkartean egon diren dendariei omenaldi txiki bat eskainiko diete. Eguraldi txarra eginez gero, ikuskizuna Kultur Etxeko areto nagusian izango da.
30 urte hauetan gertuko merkataritza babesten egon diren herritarrak eskertzeko, astelehenetik ostiralera herrian kontsumitzeagatik txartel batzuk banatzen ari dira. Parte hartzen dutenek 2.000 euroko sari baten zozketan parte hartuko dute: bidaia bat Halcon Bidaiak agentzian.
