Bihar beteko dira 100 urte Antonio Oteiza eskultorea jaio zenetik. Haren jaiotzaren mendeurrena dela eta, Azkoitiko Udalak omenaldia egingo dio artistari. Zehazki, lore eskaintza bat egingo da Oteizak Azkoitiko herriari dohaintzan emandako Ongi etorri eskulturaren ondoan, Julio Urkixo etorbidean.
Ana Azkoitia alkatea buru dela, udal ordezkariek parte hartuko dute ekitaldian, 18:00etan hasita. Ondoren, haren omenez Intsausti jauregian dagoen erakusketa bisitatuko dute.
Erakusketa asteburu osoan egongo da zabalik: bihar, 18:00etatik 20:00etara; larunbatean, 12:30etik 14:00etara zein 18:00etatik 20:00etara; eta igandean, 12:30etik 14:00etara.
Azkoitiarekin "lotura estua" zuen artista, misiolaria eta abenturazalea.
Oteiza, misiolaria eta abenturazalea zenak, lotura estua zuen Azkoitia rekin. 2008an, Urrezko Intsignia jaso zuen udalaren eskutik, eta 2023an ireki zuen hark Azkoitiko azken erakusketa, Serenus illuxit izenpean, Vicente Molinarekin batera.
