Azkoitiako EAJ k bere hautagaitza ofizialdu du gaurkoan: Ana Azkoitia, egungo alkatea, izango da alderdi jeltzalearen hautagaia 2027ko maiatzaren 23an ospatuko diren udal bozetan. Hautsi Buru Batzarrak (UBB) Azkoitiaren aldeko apustua egin du berriro, bere "gertutasuna, elkarrizketa, seriotasuna, lana, konpromisoa eta balio jeltzaleak" azpimarratuz.

Azkoitia k erronka "oso eskertuta eta ilusioz" hartu duela adierazi du, bere herriko alkate izatea "ohore handia" dela nabarmenduz. "Ohore handia baldin bada, ardura ikaragarria da", esan du. "Herritarroi ez hutsik egiteko ardura, denei tokia egiten saiatzeko ardura, zaintzeko ardura, denontzat ahalik eta erabaki onenak hartzeko ardura". Hautagaiak konpromiso hori bere gain hartu eta denbora zein indarrak eskainiko dizkiola ziurtatu du, herritarrek "elkarrekin" herri hobea eraikitzen jarrai dezaketelakoan.

Ana Azkoitia k 2023ko ekainean hartu zuen Azkoitia ko alkate kargua, aurreko udal bozak irabazi ostean. Aurretik, Javier Zubizarreta alkate zela, alkateorde eta Ogasun zinegotzi izan zen, eta dagoeneko hiru agintaldi daramatza Azkoitia ko Udalean. Ekonomista da lanbidez, eta banketxe bateko zuzendaritza kargua utzi zuen Azkoitia ko EAJ ren udal ordezkari izateko.