Alberto Martínez Ruiz Eusko Jaurlaritzako Osasun sailburuak hitzaldi bat eskainiko du Azkoitian, “Batzokixen Berriketan” ekimenaren barruan. Ekitaldia apirilaren 16an, osteguna, izango da, arratsaldeko 18:30ean hasita, Azkoitiko batzokian.

Martínez ek esperientzia zabala du osasun arloan eta politika publikoetan. Medikuntzan doktorea da, eta 2002tik sailburu izendatu zuten arte Gurutzetako Unibertsitate Ospitaleko Anestesiologia, Bizkortze eta Minaren Terapia zerbitzuko buru izan zen. Horrez gain, hainbat erakundetan ardura garrantzitsuak izan ditu, hala nola Euskal Herriko eta Errioxako Anestesiologia, Erreanimazio eta Minaren Terapeutika Elkartean eta Bilboko Medikuntza Zientzien Akademian.

2024ko ekainean hartu zuen Osasun sailburu kargua, Imanol Pradales lehendakariaren gobernuan. Ordutik, hainbat erronka nagusiri heldu die, besteak beste, itxaron-zerrendak murrizteari eta osasun sistemaren erreforma estrukturalerako oinarriak finkatzeari.

Osteguneko saioan, herritarrek aukera izango dute osasun sistemaren egungo egoeraz, etorkizuneko erronkez eta Jaurlaritzaren politikaz zuzenean entzuteko, baita galderak egin eta iritziak partekatzeko ere.