Esku pilotan, Adunak kanporatu egin du Zaldibia. Kanpoko pilotalekuan 2-1 galdu arren, etxean 3-0 nagusituta, 4-2ko emaitzarekin sailkatu dira adunarrak. Kadeteek 22-14, jubenilek 22-19 eta nagusiek 22-4 irabazi zuten itzulerako jardunaldian. Orain, finalerdietan Bergararen aurka neurtuko dituzte indarrak. Beste finalerdia Hernani eta Oiartzun artean izango da.

Gomazko paletan, Tolosak finalerdietara pasatzea lortu du, Alegiaren aurka kanporaketa irabazita. Beotibar pilotalekuan jokatu zen itzulerako partida, eta tolosarrek 2-1 irabazi zuten, guztira 4-2ko aldearekin. Banaka kantxa osoan 20-18ko garaipena lortu zuten, binakakoan 20-13 nagusitu ziren, eta Alegiak banakakoan 7ko koadroan 2-20 irabazi zuen. Tolosak Andoainen aurka jokatuko du finalerdian. Beste finalerdia Aia eta Azkoitia artean erabakiko da.

Bestalde, Anoetak ezin izan du kanporaketa gainditu Andoainen aurka. Etxean 1-2 galdu ondoren, itzulerakoan ere 2-1 galdu zuten anoetarrek. Banakakoan 6-20 irabazi zuen Anoetak, baina binakakoan 20-9 eta 7ko koadroan 20-11 galdu zituzten.