Azpeitia ko Basazabal Jauregia izan zen atzo, urriaren 14 an, Iraurgi Berritzenek antolatutako ETE Digitala 2025-2026 programaren amaierako ekitaldiaren egoitza. Bost industria-enpresak parte hartu dute eskualdeko eraldaketa digitalerako prozesu honetan.
Arrieta, BESA, Grandes Mecanizados del Norte, Ibiltek eta Odrinox izan dira prozesuan inplikatu diren eskualdeko enpresak. Programaren helburua izan da enpresei beren behar digitalak identifikatzen, erronkak lehenesten eta beren errealitatera egokitutako proiektu zehatzak definitzen laguntzea.
Enpresa bakoitzak bere egoeratik abiatu eta lehentasunezko jarduerak zein hurrengo urratsak jasotzen dituen ibilbide-orri bat landu du. Lan horrek hiru esparru nagusi identifikatzeko aukera eman du: datuen gobernantza, bilakaera teknologikoa eta zibersegurtasuna.
Amaierako saioan, enpresek beren arazoak, hobekuntza-beharrak, egindako aurrerapenak eta hurrengo urratsak partekatu dituzte, esperientziak eta ikaskuntzak trukatuz.
Programak Gipuzkoako Foru Aldundia ren finantzaketa jaso du, eta Iraurgi Berritzenek sustatu eta koordinatu du, Digitalentu eta Kuik-en laguntzarekin.
Loreto Susperregi, Berrikuntza Zerbitzuburuak, eraldaketa digital eta teknologikoaren arloko laguntza publikoen ildo estrategikoak azaldu eta prozesuen balioa azpimarratu du.
Enpresek definitutako proiektuak martxan jartzen hasi dira, eta Iraurgi Berritzenek laguntzen jarraituko du, eragile espezializatuekin harremanak erraztuz eta laguntza-programak hurbilduz.
Eraldaketa digitala Iraurgi Berritzenen lan-ildo nagusietako bat izaten jarraituko du, Urola Erdiko enpresen lehiakortasuna hobetzeko.
Iraurgi Berritzenek eskerrak eman dizkie parte hartu duten bost enpresei prozesuan erakutsitako parte-hartzeagatik, inplikazioagatik eta konfiantzagatik.
