Sariketaren aurkezpena Legazpiko gaztetxean egin zen, non 60 pertsona baino gehiago elkartu ziren. Ekitaldian, sariketaren xehetasunak eman ziren, bideoklip bat proiektatu zen, kamisetak aurkeztu ziren eta bertso-paper lehiaketa berriaren inguruko informazioa eskaini zen. Gainera, Gasteizko hasiberrien bertso eskola feministako kideek bertso-sorta bat abestu zuten.
Aurtengo edizioan, lehen aldiz, bertso-paper lehiaketa jarri da martxan, plazan aritzen ez diren bertsolariak animatzeko asmoz. Aurreko urteko edizioan plaza utzitako bertsolariak kantura itzultzeko ahalegina egin zen, eta bide horri jarraiki, aurten bertso-paperen bidez bultzatu nahi dira.
“"Aitortza egin nahi nien gure aurretik itzalpeko lanean aritu diren emakumeei."
Sariketaren bi kanporaketak maiatzean izango dira: maiatzaren 16an Baionako Zizpa gaztetxean eta maiatzaren 23an Zizur Nagusiko Esparru gaztetxean. Kanporaketa bakoitzetik hiru bertsolari sailkatuko dira finalera, zeina ekainaren 7an Plentzia-Gorlizko Danontzat gaztetxean ospatuko den. Saio guztiak gaztetxeetan egingo dira, espazio horien garrantzia azpimarratuz eta tokian tokiko asanblada eta talde feministekin elkarlanean.
Finalaren aurretik, ekainaren 7an, bazkari bat antolatuko da. Txartelak sare sozialen bidez eskuratu ahal izango dira aurrerago. Kamisetak eskatzeko aukera ere badago, eta banaketa finalean egingo da.
