Euken Fernandez txapeldun izan da xabalina jaurtiketan, 61,32 metroko jaurtiketa eginda. Gainera, June Sudupek urrezko domina lortu du 5.000 metroko proban, 17.23ko denborarekin, eta Tolosa CFko errekor berria ezarri du distantzia horretan.
Beste hainbat atletak ere emaitza nabarmenak lortu dituzte, marka pertsonalak hobetuz. Horietatik hiru Espainiako Txapelketarako gutxienekoak betetzera iritsi dira: Eñaut Arostegik 1.500 metrokoan, eta Idoia Arrospidek eta Aitana Aierberenak 800 metrokoan.
Bestalde, Tolosa CFko bi atleta gazte 16 urtez azpiko Espainiako Txapelketan lehiatu dira asteburuan. Beñat Iraolak 1.500 metro oztopoetan 15. postuan bukatu zuen 4.41ko denborarekin. Irina Mendizabalek, maila horretako lehen urtea izanik, erori egin zen 1.000 metrokoan eta ezin izan zuen finalerako sailkatu, 21. postuan amaituz.
