Kronometroaren aurkako igoera honetan, gizonezkoen kategorian, Oier Zubeldia izan da azkarrena Txindoki gailurrera iristen, 36.50 minutuko denbora bikainarekin. Bigarren postua Thomas Darroges okzitaniarrak eskuratu du, 37.55 minutuko markarekin, eta oso gutxigatik gainditu du Jokin Tolosa anoetarra, honek 37.56 minutu behar izan baititu gailurrera iristeko.

Emakumezkoen artean, Maider Unanue aramarrak lortu du garaipena, 46.22 minutuko denborarekin. Bigarren eta hirugarren postuak eskualdeko korrikalarientzat izan dira: Leire Elola tolosarrak 46.59 minutuan amaitu du, eta Eider Zubeldia amezketarrak 47.19 minutuko markarekin osatu du podiuma.