LAB sindikatuak adierazi duenez, Hezkuntza Sailak eta sindikatuak 2023ko ekainean sinatutako lan akordioak EAEko ikastoletako langile guztien soldatak 2027rako sare publikokoekin parekatzea aurreikusten zuen. Hala ere, sindikatuak salatu du 2025etik aurrera egindako soldata eguneraketek hainbat kategoria baztertu dituztela, tartean Haur Hezkuntzako 1. zikloko hezitzaileak eta administrazio, jangela, garbiketa, mantenu eta garraioko langileak.
Horrez gain, LABek gogorarazi du akordioak aurreikusten zuen ikastoletako langileen lan baldintzen homologazio azterketarekin ez dela hasi ere egin. Horren ondorioz, sindikatuaren iritziz, soldata arrakala areagotu egin da.
“"Lan akordioa bete dadin eskatzeko ordubeteko lanuzteak deitu ditugu ikastoletan ostegunerako."
Pasa den azaroan, hainbat ikastolatan itxialdiak egin zituzten langileek, lan baldintza eta soldata hobekuntzak eskatzeko.
