Gogoko, Tolosa n 2019an sortutako zerbitzua, tokiko merkataritza sustatzeko helburuarekin jaio zen. Orain arte bertako saltokietan erosteko aukera ematen zuen, baina zerbitzua zabaldu egin da eta Ibarra ko zenbait establezimendu ere atxiki dira. Horrela, Tolosaldea ko herritarrek Ibarra ko denden produktuak ere eskatu ahal izango dituzte.
Zerbitzuaren funtzionamendua erraza da: bezeroek WhatsApp bidez egiten dute eskaera goizean. Ondoren, Maialen arduratzen da produktuak erosi, bildu eta etxera bidaltzeaz. Produktu freskoak badira eta bezeroa Tolosaldea n bizi bada, eskaera arratsaldean jasoko du; bestela, penintsula osora bidaltzen dira 24 eta 48 orduren artean.
“"Eguneroko egoera bati erantzutea da zerbitzuaren helburua: denbora faltagatik edo erosotasunagatik, askotan presaka egiten ditugu erosketak. Gogokok aukera ematen du hori errazago egiteko, eta, aldi berean, tokiko merkataritzari eusteko."
Igor Zapirain Ibarra ko alkateak azpimarratu du zerbitzuak tokiko merkataritzari eusten laguntzen duela, betiko dendetan erosteko modua galdu gabe. Gogoko ko arduradunek ere nabarmendu dute tresna dela herriko saltokiak, merkatarien lana eta herritarren arteko harremanak bizirik mantentzeko.
Aitor Agirresarobe, Tolosa ko Udaleko Garapen Ekonomikoa, Enplegua, Merkataritza, Turismoa eta Azokak saileko zinegotziak, garrantzia eman dio tokiko merkataritzari: «Pertsianak irekita egoteak bizia ematen die herriei». Kontsumo ohituretara egokitzeko estrategia berriak behar direla gaineratu du, eta Gogoko horren adibide dela.
Zerbitzuaren berrikuntza ezagutarazteko, spot bat aurkeztu zuen Gogoko k duela bi aste. Miren Amondarain Ibarra ko merkatariak azaldu duenez, spotak bi herrien arteko lehia umoretik jorratzen du, eta Tolosa eta Ibarra batuta, tokiko merkataritza-sarea indartsuagoa dela adieraztea du helburu.
Gainera, bi herrietako merkatariek hainbat ekintza jarri dituzte martxan, etxeko txikieienez gain tokiko merkataritzaren garrantzia helarazteko. Horien artean, Maialen en abenturak haur-liburua eta pertsonaiaren buruhandia aurkeztu dituzte. Liburuak, 5 eta 8 urte bitarteko haurrei zuzendua, Maialen ek Tolosa eta Ibarra ko saltokietan egiten dituen erosketak kontatzen ditu, dendarien eta herritarren arteko harremana azpimarratuz. Chroma Estudioak sortu eta Deiff MG ilustratzaileak ilustratu du.
Liburua Tolosa&Co ren eraikinean (Pedro Tolosa Pasealekua, 2) erosi daiteke fisikoki, edo Gogoko zerbitzuaren bidez eskatu etxean jasotzeko, 5 euroren truke. Garazi Urkola ipuin kontalari billabonatarrak istorioa kontatu die haurrei ikastetxeetan.
Bestetik, Maialen en buruhandia ere aurkeztu dute, Txus Garcia artisau beasaindarrak egina. Aurrerantzean, pertsonaia noizbehinka ikusi ahal izango da Tolosa eta Ibarra ko kaleetan.
“"Gure haurrak dira herri bizien etorkizuna; hortaz, garrantzitsua da txikitatik ulertzea herri txikietan erosteak duen balioa. Ez da soilik produktu bat eskuratzea, herriari bizia ematea baizik."
Jaione Ormazabal Tolosa ko merkatariak nabarmendu du etorkizunean fokua txikienengan jarri behar dela, herri bizien etorkizuna baitira. Tokiko saltokiak babestearen garrantzia irakatsi nahi diete txikitatik, herriari bizia ematen diola ulertaraziz.
