Alegiarrek gustura geratu ziren egindako lanarekin. Taktikoki ondo planteatu zuten neurketa eta partidako zati handi batean markagailua estu egon bazen ere, beti aurretik ibili ziren. Lehen laurdena 19 eta 25 amaitu zen eta atsedenaldi luzera 33 eta 35 iritsi ziren. Hirugarren laurdenaren amaieran ere gauzak estu ziren baina azken hamar minutuetan taldeak partida haustea lortu zuen, aurkaria higatuz.
Aurreko neurketekin alderatuta, jaurtiketetan gegiago asmatu zuten eta horretan ere urrats bat aurrera emanez, garaipen ederra lortu zuten. Bolada onari jarraipena emateko aukera izango dute larunbatean 16:15ean etxean. Donosti Dolphinsen aurkako neurketa izango dute eta garaipena lortzen badute, sailkapeneko goiko postuetan egonkortzeko moduan izango dira. Horretarako, ezinbestekoa izango da zaleen babesa.
Bestalde, Aimar eta Eneko Garaikoetxea alegiarrak Gipuzkoako selekzioarekin txapeldun geratu dira Nafarroako Villafranca herrian jokatutako infantil mailako saskibaloi txapelketan.
