Zalduondo ospatuko du Lautada Eguna urriaren 25ean, igandean. Egun osoko egitaraua antolatu da, ibilbide historiko bat, merkatu bat, tailerrak, kontzertu bat eta gastronomia.
Goizean, 9:15etik 11:00etara, Ernesto Pastor historialariak gidatutako ibilbide historikoa egingo da, Zalduondoko frontoitik irten eta San Julián de Aistra zeharkatuz.
Ondoren, 11:00etatik 15:00etara, bertako elikagai eta artisautza merkatua izango da Torrel arre parkean, 25 postu baino gehiagorekin. Inaugurazio ofiziala Jeiki, Haize eta Dantza Gorri dantza taldeen "Agurra" ekitaldiarekin izango da.
Egitarauak hainbat jarduera barne hartzen ditu egun osoan zehar: haurrentzako landa-inauterietako tailerra (11:15-12:15), Lautadako abesbatzen topaketa San Saturnino elizan (11:30-13:00), Arabar Bolo tailerra (12:30-13:30), eta Lautadako Artobeltza sukaldaritza zuzenean Endika Beltran de Gebara ren eskutik (13:30-14:30).
Arratsaldean, JAZZALDU jazz kontzertua izango da frontoian (13:45-14:30). Egunari amaiera emateko, bertako produktuen sustapena eta zozketa egingo da 14:30ean, Lautada-ACICSA elkartearen eskutik.
Jaiegunean zehar, Lautadako Trikitilariak arituko dira, eta SUSTRAIAK: Arabako Herri Inauteriak dokumentalaren proiekzioa egongo da etengabe Lazarraga Jauregian. Zalduondoko Inauteri Batzordearen txosna ere zabalik egongo da.
