Arriola inguruan ezarritako aginte-postu aurreratuan jarraitzen dute sutearen aurkako lanek. Lehen kalkuluen arabera, suak 100 hektarea inguru kiskali ditu, gehienbat pinuak.
Erakundeetako arduradunek adierazi dutenez, egoerak hobera egin du azken orduetan. Sutearen perimetroa zehazteko lanetan aurrerapen handiak egin dira, nahiz eta oraindik sarbide zaileko eremu bat geratzen den ixteko.
Gaur arratsalderako eguraldiaren aldaketa espero da, hezetasun handiagoarekin eta tenperaturaren jaitsierarekin. Baliteke euri pixka bat egitea, eta horrek sua itzaltzeko lanetan lagunduko luke.
Eremuan 50 suhiltzaile inguru ari dira lanean, hiru aireko baliabideren laguntzarekin: bi helikoptero eta hidrohegazkin bat. Horiek etengabeko deskargak egiten ari dira kaltetutako gunean.
